കോരന്‍

അങ്ങനെ
കോരന്‍ കവിയായി ..........
പ്രസാധകര്‍ അവനു പിന്നാലെയും
കോരന്‍ അവാര്‍ഡിനു പിന്നാലെയും പാഞ്ഞു....
താമസം
നഗരത്തിലെ
പൊത്തിലേക്കു മാറ്റി ...
ഒടുവില്‍,
ഓണത്തിനു
നാട്ടിലെത്തിയപ്പോള്‍
കോരന് കുമ്പിളില്‍ തന്നെ കഞ്ഞി!!!!

കഴായ

യൂറോപ്യന്‍ ക്ളോസറ്റിലിരുന്ന്
പത്രത്താളുകള്‍ മറിയ്ക്കുമ്പോള്‍
അടിയിലൂടെ പോകുന്നത് ഞാന്‍ അറിഞ്ഞില്ല.
പത്രത്തിലെ നാട്ടിലെത്തിയ വിദേശിയെ
അന്വേഷിച്ച് വായനശാലയിലും
ചന്ദ്രേട്ടന്‍െറ ചായക്കടയിലും ചെന്നു...........
അവിടെയൊന്നും കാണാതെ
തിരിച്ചു വരുമ്പോള്‍
പാടത്തെ കഴായയിലിരുന്നു
ചന്തി കഴുകുന്നു
 മൂപ്പർ ..............

കേരളം

ഞാന്‍
പരശുരാമേട്ടന്‍റെ കയ്പവല്ലരിത്തോട്ടത്തില്‍
മിനിഞ്ഞാന്നു വിളഞ്ഞ കയ്പ്പക്ക..........
ഇന്നലെ
നല്ല ഉഷാറുണ്ടായിരുന്നു
ഇന്ന്
ഒരു വാട്ടം ........
നാളെ
അളിയുമോ??????
പ്രതീക്ഷ
വിത്തു മാത്രം!!!!!!!!